ياحسين سنين صحنـــــه ياحسين
محنه تخلص تجي محنـه ياحسين
___________________________
ياأبــن سيد البريـــــه
شيعتك طحنــه بأذيــه
النار بغيابــك سريـــه
يجري بفراكك دمعنـــــه ياحسين
محنه تخلص تجي محنه ياحسين
++++++++++++
هاك شوف الصار بينه
دارت الدنيــــا علينـــه
بسيف طغيان انولينــــه
ومانذل تعـــــرف طبعنه ياحسين
محنه تخلص تجي محنه ياحسين
++++++++++++
ذوله رادونـــه نعوفـــك
واحنه ماننكر طفوفــــك
صدك نموت اعله شوفك
يطفه لو منتــــه شمعنـــه ياحسين
محنه تخلص تجي محنه ياحسين
+++++++++++++
ياابن حيـــــدر ولونـــــه
جي نحبـــــــك وذرونـــه
شمارمو لا ماخطونـــــه
الرميه نتلكـــه بنحرنــــه ياحسين
محنه تخلص تجي محنه ياحسين
+++++++++++++

بلنحر يحسيـــــن حبـــك
من سلكنه بيوم دربـــــك
بكل كلب عايش نحسبـــك
سيدي حبــــــك ملكنــــه ياحسين
محنه تخلص تجي محنه ياحسين

لجلك نموت اعلــــه غايه
تنغفر كــــــــل الخطايــــه
نسحك بأسمـــــك منايـــــه
غير نهجــــــك ماتبعنــه ياحسين
محنه تخلص تجي محنه ياحسين

الحلات البيــــــك صبرك
ومادرت للموت ضهــرك
قدمت يحســــــــين نحرك
حتى يتماســـــك جمعنــه ياحسين
محنه تخلص تجي محنه ياحسين


منقول