ابوذيات

وحك إلي بده القرآن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح إليه

غيابك خلخل اعضامي.. وهدهن
وجر حسرات ببعادك.. وهدهن
آلي دمعات لو أبجي.. وهدهن
تفيض اليابسة ونغرك سويه

عراق أنت وإلك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك آذيه

يهل ناديت بسمي هواي عيده
ويهل ماخذ دليلي وياك عيده
الكلب مو بس بعد رمضان عيده
انا عندي العيد من نكعد سوية

عشرتك صدك روحي ما تملها
وكلبي أيام سعدك مات أملها
أريد انصب لروحي مأتم إلها
وأشوفك هم تجي وتبجي عليه


اشد حزام فوك حزام ينحل
وكلبي على المصايب ذبل ونحل
يخلي كم سجين نسجن ونحل
واني بسجن حبك عفو ماصدر بيه

__________________

منقول