مرات اكول احجي وياه
ومرات اكول اعوفه

ومرات اكول انسى الفات
وما حنله وما شوفه

ومرات يعصرني الشوك
وروحي تظل ملهوفه

ومرات يناديني بليل
ويدز عليه طيوفة

ومرات جرحه يهل آه
واحلف ابد ماروفه

ومرات ودي ابعد حيل
ومرات احن لجفوفه

ومرات ودي اقرب ليه
ترجيه بين ازلوفه

ومرات ما ادري وليش
كلبي يظل بخوفه

بذات ولفي ياناس
واطباع بي معروفه

خوان ويغدرني بساع
وبكلبي حط اسيوفه

شنسى وجروحه هواي
والكلب ظل بأوفه

انساه وكلبي الممنون
وماهم بعد بظروفه
وماهم بعد بظروفه