قصيده العبهه عدل

[محتاره]

من عندي أطلبت همسات گبل أيام


وتأليهه اگلبت چنك ولا هاوي


العبها عدل ما ينفعك جوكر


أوراقك انكشفت جوكرك عاوي


لا أدور علي بالك تهدلي أدموع


جرحك بالگلب من عملتك داوي


ومن تدرس قضيتك لا توجها النار


ادرسها أبتاني أبنار هداوي


ومن تگطع ورد إياك من الشوك


ورده وتجرحك بالشوك غفلاوي


ولا أتحاول ابد أتمد أديك بنار


لان أيدك ورق فلسين متساوي


وبالك لا تدگ بيرغ حرب وياي


انه وكت الفشگ صاروخ نمساوي


بس انه أنصحك حر صير رفعه راس


وخل گلبك سمح لا أتصير سوداوي


وتعلم الهجر..... بس لا تأذي الغير


وخذ أحسن درس من ابن مهداوي

الله على هالكلام الرااائع من انسان ارووووع

صح السانك يا مبدع

عجز لساني وقلمي عن وصفها

تستاهل احلى تقييم

واحلى خمس نجوم تتنور بموضوعك

تح ـياتي