الســـــــــلام عليكم حبايب قلبي
هذي القصيده للي راح مني وقريتها الها بيوم من الايام
خلينه نتقره شنو تكول القصيده
ان شاء الله تعجبكم القصيده
~~~~~~~~~~~~~~~~~~~~~~
يم كلب الحنون وحضن دافي هواي
ضميني اعلة بختج فدوة بحضانج
ويم عين البرائة البيها معنى الشوك
اني ادري الوفاء البيج عنوانج
مثلج مالكيت ولا شفت بالناس
تزهي بكل وكت ومنورة الوانج
يقيثارة لحن تعزفلي احلى انغام
انسى الدنيا كلها منسمع الحانج
تمنيت الكلب يصبح رمش للعين
حتى بكل وقت يحضنها لجفانج
هنيالة اليشوفج مرة لو بس عام
والف هنيالة عمي الصبح جيرانج
تدرين بمحبتج صرت عاشك موت
يالنادر اشوفة وماكو بحسانج
يادار العشك معمورة تبقى سنين
اموت كل شخص لو لمس حيطانج
حتى الضحكة عندج تختلف بهواي
الدنيا تضيع صدكي بفركة اسنانج
وسئلوني عليج هواي من الناس
وحرت شلون اجاوب وانطي برهانج
ولا اكدر اوصف حتى اوفي وياج
لان صوت البلابل يحجي بلسانج
بستاني يطك شوك وزرع عاكول
وانتي اشكال ينضح ثمر بستانج
على كيفج يحلوة بهيدة من تمشين
اخاف يطك علينة بلحظة رمانج
ومن ضعتي علية شكد تعبت الكاج
ونشدت اعليج اهلج حتى خلانج
ياشجره اعله راسي مغطي فيج دوم
مديها بمحبتج لجلي اغصانج
يم كلب الحنون وحضن دافي حيل
ضميني اعلى بختج فدوة بحضانج
جرح بية محبتج ما اريدة يطيب
واقبل لو عمر يبقالي نيشانج
~~~~~~~~~~~~~~~~~~~~~~
نحن نقرئ للذي هاجر من غير رجعه
وترك في قلبي الف لوعه ولوعه
مع تحياتي انا صديقكم دائما وابدا
اسيرررررررر الرروووووووووح
~~ضميني اعلة بختج فدوة بحضانج~~تحياتي لكم
رد مع اقتباس