الى الشهيد الشاب جواد العنزي
حبيبي انجان الي خاطر
حبيبي سنين انه مشتاك والك ناطر
..................
حبيبي صدك عيوني جفاها النوم من مشيت
وركهه السهر بجفاك اشوفك ثاني ما ضنيت
وأبد عندي الأمل ما خاب
واظل ناطر تدك الباب
ترد اليوم ترد باجر
حبيبي زورني بالطيف
حبيبي انجان الي خاطر
...................
حبيبي لا سجين انت وازورك دوم
ولا انت هجرت بعيد وتردلي يوم
انه ناذرلك نذر بس عود اليه
اسويلك عرس ما شافته الدنيه
عليك أمك صفت تکسر الخطر
حبيبي زورني بالطيف
حبيبي انجان الي خاطر
.................................................. ................................................
عبدالكريم البصري
رد مع اقتباس