قصيده في ذكرى استشهاد الامام علي كرم الله وجه
اعتذر هذه القصيده كتبتها سريعا اليوم
اتمنى ان تروق لكم
شلون سواها وجرأ هذا اللعين
\\\\\\\\\\\\\\\\\\\\\\\\
چأن يعرف حيدره بأوصافه
يدري بيه رايد يغدره وعافه
سيفه يلمع فات يمه وشافه
گله اعدل نومتك نم على اليمين
وشلون سواها وجرأ هذا اللعين
خبرك طه وتخضبت لحيتك
وگتله اسم الله وفزت من ضربتك
اهتزت أركان السما من طعنتك
وضلت ادموعي تصب كل هالسنين
وشلون سواها وجرأ هذا اللعين
مثل أبو الحسنين ابد ماكو رجال
بالشجاعة والكرم مثله محال
ياهو يتحدى علي بيوم النزال
ومنهو مثلك ياعلي ما ادري وين
شلون سواها وجرأ هذا اللعين
الشاعر
سلام الدراجي
رد مع اقتباس