عهدأ من ابن بغداد وسمي اعليـــه
أبن ذي قارأنه وابقة رفعت راس
ومن هور الجبايش هرشي ساكيته
وصدكني أنهظم لوصاح واحد يوم
في اقصى الشمال اتعـــنه ألبيـــته
انه ابن الرمادي وموصل وكركوك
ما خان العهـــد لاعـــاف تربــــيته
انه ابن النجف والبيهه ظل حسين
شاهد للزمن وتسولف ابصيـــــته
انه ابن السماوة وشاهدي المكوار
اثربالطوب روح اتحرة خلـــيته
انه ابن العراق الماركع للظــــيم
هسه ايريد يزرف بوش طاكيته
انه ابن الفضل ميهمني خل يحجون
مافــــد يوم بــابي ابوجه ســـديـــته
ماانسه ابن موسى العالجسرخلوه
والسم مــوش انه ياكلـــه دسيـــته
صح ابن الفضل بس امي من ذي قار
وحــــيدرابــني لــمن صــارسميـــته
ابقــه انه افــتخربالجاء حـدالمـــوت
وبحزام الجنوب الــــظهر شـديـتــه
عهدأ من ابن بغداد وسمي اعليـــه
اسمك ياعراق ابــدمــي خطيـــته
----
مع تحيات
ذياب الخزعلي
(( منقــــــول ))
ارجو الإطلاع عزيزي على هذا الرابط للأهمية
http://www.alforat.org/showthread.php?t=22548
رد مع اقتباس