بسم الله الرحمن الرحيم

مهيب



روحي روحي
بعد ما محتاج روحي
ان حبي راح
بعد ماريد استريح
وكلبي ادجه بذكرك
ان يوم استراح
انت يا اول عشك تهجر اشلون
انت بس منك عطر
المحبة فاح
وهسة لمن رحت
تدري اشصار بينه
راح من عدنة الضوة
وشال الصباح
احله من كل حلو انت
انت اجمل كل جميل
انت مو حكة التفوت
بصفة طاح
حور عين الناس كالوا
بيك كلت انه قليلة
كالوا انت اجمل حمام
اعله الرياح
وبعد هم اصرخ قليلة
وانت من كثر الجمال بيك
لو مريت بعدام ومشانق
يصرخ القاضي سماح
وانت لو صار انفجار
وصارت العالم وذر
بس تمر من يمهم
يعدلون وتطيب الجراح
والعلم احتار بيك ايريد
يعرف شنهو انت
انت سر الكل نجاح
وانت لو مريت
فد يوم اعله ميت
يعدل ويوكف وياخذلك
تحيه
انت ضابط رتبتك رتبت
مهيب
والله خايف عله روحي اشلون
بيه
لان من كد ما احبك
واحجي بيك
انطبع رسمك عليه
النوب خاف تكظني
وتزوير انه
ومالي لا اسم وهويه
انت ياشمس الصبح
وكت الشرق
كل شخص لازم
يكض نظارته الشمسيه

واليظن يستره فيه وماتجيه
نار يكلب لمن تشرق فيه
كمر انت ولمن تبدر
ما ننام
تنكلب ظهر المسيه
يا علم للدولة
والكاعك نشيد
صدك انت وي النجم
صرتوا سويه
اكتب وصدك حرت
شكتب عليك
وانت مثل الروح صاير بيه
انتي كلبي وعمري
وروحي وحياتي
وبوسط ماي البحر حوريه
الناس توصف
كل حلو بالجن واكول
حلوة بيج انوصف الجنيه
انت دستور وحكومة
انتي رئيس
وانت جيش وسفنه الحربيه
تمنيت انكلب ارهابي وياك
و تحبسني انت ها يالداخليه
انه احبك انه اعشكك
انه اموت عليك
وانت من البشر
لايك عليه
انت يالبيك انوصف معنى الجمال
شما اصوف بيك يبقى شويه
اعشكك يا اخر نفس لو ردت اموت
وبيك اكل الاهلي الك كل الوصيه