مع خالص حبي لمنتديات الفــرات
عندي اليوم جم أبوذيه منقوله عجبني و رايد اوريكم وياها
----------------------قلبي يحوك ثوب حسنــــك و ينسجنه
جهنم ارضه يبيها ونسى الجنه
احبسه بقفــــــص عينك و أسجننه
رمش عينك اريد يظل حارس عليّا
سلام وطيب يحبابي وصلنه
وعسى ماينكطع منكم وصلنه
الهوى اليهب منكم وصلنه
أشمه وترد روحي عليه
ما تنطق صمت قاتل . صمت لاك
وحجر سجّيل بجفوفي .. صمت لاك
اول يوم عيد الله .. صمت لاك
واتت لعنة محمد تـــرس بيـــّة
حبيـبي شلــون مــا أحبك ولابيـكـ
و أمــكـ ماتحـــن مثلي ولا أبيـكـ
يكون لوعاتك بيّــه ولا بيـكـ
و حوّل كل ألم منـكـ إليّـــــه
هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية
يا عراق...
اجيتك كلي شوق وكلي عَــبَرهَ
وتعلمت من هالزمن حكمة وعــبره
انك نهر طِيِب و وفى واللي يعـــبره
يطهره من كل الذنوب الطائـــفيه
سريتوا بالضعن ياترف هاوين
جفيتوني ولعند الغير هاوين
هاميت يحلو الطول هاوين
حياتي والنظر اقبالك عليه
إلك اجمل رساله ابعث و أرقها
حبرها دموعي وگلبي و رقها
يلمسبب سهر عيني و أرقها
عزيز وشوفتك تصعب عليه
وحق الي تعبده الناس وحده
حبك سلب مني الروح وحده
هذاني اثنين ونته اختار وحده
ترحل لو تضل محبوب اليه
أجيب قليـبـك إلعنــــــــدي كيف أجيبه
أركب السيكل وإلعند دارك أجـــــــيبه (أجي به)
ويضحك علي الأغلط ويصرخ أجيبة ( عجيبـة )
ويقل للناس بسيارة ترأف علـيـــــــــا
(( منقــــــــــــــول ))
رد مع اقتباس