احبك ما قلتها بس ترى يازين بلساني

[الكناري يونس الجبوري]

هديتي لمعذبتي


احبك ما قلتها بس ترى يازين بلسانـي
احبك واليهمني انت اذا غيري يهمّونـك

ولا انظر على غيرك ولو نادى وترجّانـي
واسخر من عدويني اذا ودهم يسومونـك

أبيك تظل قدامي وابد متفارق أعيانــــي
لانها كذبه يالغالي اعيش بروحي مـن دونـك

أحس صوتك بيحييني اذا جيتك وحيّانـي
وافرح وانتشي واطرب اذا ما قلتلي شلونـك ؟

أظل مشتاقلك حتى اذا منك خبر جانـي
وابكي لاجلك الدنيا اذا اهلك يبكونـــــك

انا احيانا المجرم في حقك وانا الجانـي
وازعلك قبل عذالي اذا رادو يزعلونـك

غلاك بروحي يالمحبوب اكثر من غلا اخواني
ومو بس كل هلي وناسي كل الناس يفدونـك

انا ليامن تجي تضحك يعمري تزول احزانـي
احبك؟.. مو بس احبك لا..اناا ياروحي مجنونك

كلام الحب والاشواق وبوحك لي اروانـي
الكناري عاف هالدنيا وراه وصار مفتونك

ينشدوني هلي عنك قلتلهم هو عنوانـي
اراك تعيش بعيوني يليت اعيش بعيونك

أغار من اختك وعمتك وامك او حدا ثاني
ولا ودّي اعز ناسك يكلمونك يشوفونك

حياتي لو بقدمها... هديه لك... تلقاني
اقدمها مع عيوني الا ياليت يرضونك

احبك ما قلتها بس ترى يازين بلسانـي
احبك واليهمني انت اذا غيري يهمّونـك



الكناري
يونس الجبوري
29/6/2009