شفت بعيونك ضياع
شفت بعيونك ضياع
وناي متكسرعله اجروف الخـــــــــداع
والغريب ابحرك ايعم السكـــــــــــــــون
وادري جوفك لم براكين الـــــــــصراع
شفت بعيونك ضياع
وبوسه مهجوره ابسراديب الرفـــــوف
والعناكب عشعشن فوك الطيــــــــــوف
وجثث للشامات بشفافك تطــــــــــــوف
والضحك عندك دمع لابس قنــــــــــاع
شفت بعيونك ضياع
اثرعاشك صار مصاص الدمــــــــــــاء
باع رجفات الخجل بأول لقـــــــــــــــاء
خله تفكير العشك عندك وبــــــــــــــاء
وتحن نبضاتك عله احروف الـــــوداع
شفت بعيونك ضياع
مااصير انسان باع الكــــــــــــــــبرياء
وانتي ورده انجرحت ابكدالســـــــماء
شمس تصطع بيج من جوه الـــــرداء
وانه ثلجه وخاف يعبرلي شعــــــــــاع
شفت بعيونك ضياع
للشاعر تحسين الشاعر
رد مع اقتباس