هاي القصيدة غناها حسام الرسام في حفلة من حفلاتة بالأردن
وهي من كلمات الشاعر المبدع وأبن منطقتي سمير صبيح
فتحية الة وين ما كان هو وحسام الرسام

القصيدة




عونك يا وطن يابو الحضارات
أحظنك لو صرت كلك سجاجين
أريد أحجي ومن يصدكَ هالخرافات
ألك حبي سوالف عالسلاطين
يابو الخير ليش تفيض خيرات
على الجيران وعيالك مساكين
شفتك من بجيت لوحدك محد بجة وياك
أنت ما تحتاج دمعة بدون غيرة
مسحت دموعهم من هدت الخيل
وحفظت عروش وشيوخ وعشيرة
ياهو الما شبع من نفط كركوك
وياهو اليوم يعزمني أعلة خيرة
أعتب عالشرب من لبن أربيل
وأعتب عالاكل من خبر الصويرة
وأعتب عالسكف من سمج ذي قار
وأعتب عالحجة حجاية جبيرة
وأعتب جيه صلاح الدين ما جاي
ولا القعقاع ولا أبن المغيرة
تقبل يا سعد رستم على الباب
وعلى نهر الفرات يصير سيرة
أعتب عالسهر عالغفة على نهر الفرات
شلون اليوم دجلة أتضل أسيرة
تقبل يا علي دخيلك يابو الحسن الفقار مهضوم
ومن كبتك يبوك النذل ليرة
أنا الطاغي دول مو جلبت بيه
وأمس حفظت هيبتها الجزيرة
أمس بيريتي منخل للرصاصات
وخليج العرب شطي وما أديرة
أحاسبكم على كل ما جرة وياي
وكلمن ذنبة بعيونة وجريرة




لك هذا العراق أسمه يهز السموات



تحياتي



عراقي أصيل