*مـاريد اشوفك *




شنو انت ورب العباد شلون سواك
بشر من طيـــن ما اصدگ انة بهاي *



كلش طبيعي من احجي وية الغير
وكلش مو طبيعي من تحچي انت وياي *



ما اريد اوصفك تعذرني حيل ارجوك
ماي صافي انت وياهو اليوصف الماي *



ماريد اشوفك خليني بس عالصوت
شكرا ً علة الصوت وافضالك انت هواي *



بعدني زغير واكسر دليل الموت
خليني اعيش والفات ازغر من الجاي*



تـوّن ع الناي وتدمع عيون الناس
وانت علة صوتك يغفة ويطيب الناي *



ما يثبت عگل شد الجناح وطار
وشيبقى علة صوتك ياعگل ياراي*



خاطر لا انــام من احچي انة وياك
محسب حسابي يمي قوري الچاي

القصيدة منقوله

وهذه اهداء خاص من الزير لشخص عزيز على قلبي