وين تريد ..........؟؟؟

[الشاعر ماجد الدعمي]

وين تريد ...؟
ومدري شلون كلبك يطاوعك
وتفكر اتسافر !
ووين تريد ..؟
وما اندل طريقك وين
وسهم ارجوك لاترمي
بكلب شاعر ..!
ووين تريد ...؟
اذا تعزني حبيبي
الخاطري لتروح ..
وجرح اليوم يدي
وظل جرح باجر ..!
ووين تريد ..؟
يبوحجي العسل ماينحمل فركاك
النار بوسط كلبي
وللوادم الظاهر ..!
يبو عيون التسولف
وكلب شال اشكال
ويبو حلم اليتيم
لجيتك ناطر ..!
اووين تريد ..؟
واذا رايح اخذني وياك
ومحسوبه بالف
ياغلطة الشاطر ..!
وابد لتروح ..
واخذ كلبي سفينة نوح
وابحر بيهه وين تريد
ولعينك كلبي
ظل صابر ..!
واظل ناطر
.......
وابد لتروح يالحبك
سكن بالروح
ترضه تخضر
بروحي جروح ؟؟
ولوين تريد ؟؟
واحلفك بيك ابد لتروح ..

ماجد الشاعر
2/ 6 /2009