قصيده الى المغترب
وكأني بلسان حال الذي كلفني بكتابه هذه ألقصيده وهو مغترب
أقول
كافي أنت أتوسل كافي انه أرجوك
لان كلمه احبك تجرح ألساني
انه ياما اسهرتلك وأنت ما حسيت
كل هذا وتريد ارجع ألك ثاني
ما ارجع ألك لا والله والقران
أتعذب أريدك بلچي تنساني
لان أول أمس چنت انه بين أيدك
بسجنك احترك وصرت أنت سجاني
خلصت العمر تمثالك البي روح
بالتمثال وادري ابروحك اتعاني
عطشان وتجيني وأنت كلك ماي
روح أنسى ولك خليني بأحزاني
لا تكابر بعد واعرف قدر نفسك
قاصينه اليسولف بيك والداني
وما ريد أجرحك ودريبك المجروح
جرح البيك وحده الهو كفاني
تدري أشوكت أسمعك كلمه من حرفين
متى ما تعتذر گدام خلاني
وتوقه الغدر حيدرنه هو ألگآل
وما استثنى النساء الأنس والجاني
ولا تأمن الأنثى زاده أبنهجه
بلاغه من العلم ودروس أنطاني
وانه الطبقت من شعر أبو الحسنين
وما كلك احبك تجرح ألساني
وما كلك احبك تجرح الساني
سلام الدراجي
رد مع اقتباس