اليحــــــــــــــــبك ((للشاعر خضير هادي))
............
اليحبك ماينكرك
واليحبك مايخسرك
واليحبك مايغدرك
واليحبك يرهم حزام علة ظهرك
واليحبك مايعبرك
واليريدك يبوس ايدك
واليحبك يبوس صدرك
واليحبك مايكسرك
واليحبك شما نصيت يعلي سعرك
واليحبك مايغيبك
واليحبك مايسهرك
واليحبك يمتثل الامرك
واليحبك هوة بس هوة اليعذرك
واليحبك مثل عطرك
ويغفة ويموت علة صدرك
ومو خسارة لو ردت تنطي عمرك
واليريدك يصير دم بنص وريدك
بنص وريدك
........
واليحبك مثل ضلك مايعوفك
واليحبك مثل هذة النفس يصعد ونزل بجوفك
واليحبك وين ماترحل تشوفة وين ماتسكن يشوفك
واليحبك يربط زلوفة بزلوفك
واليحبك تغفة يمة ينتهي ويموت خوفك
واليحبك لمة تعطش يظل يصب دموع ويترسلك جفوفك
واليحبك يفهمك ويفهم ظروفك
واليحبك مايشوف الناس بس انتة اليشوفك
......
واليحبك يبي عمرة ويشتريك
واليحبك شما عبرت بحور يعبرهة ويجيك
لايكلبي اشصار عبيك ليش تسال عل مايسال
عليك
لايكلبي لاتصدك كلمن يكلك يكلك ابيك
ابقة مثل الوردة بيضة موتظل ياهوة اليجيك يكتب عليك
ابقة مثل الورقة بيضة همة يتعنون ويبوسون ايدك
ويبوسون ايديك
.........
تحياتي للكل
رد مع اقتباس