العراق يخاطب العالم قصيدة (الوادى المقدس)

[بلسم الروح]

))

ذب شصه الوكت واني بغميج الماي وما اعرف شلون بشصه صاداني
لا جرني الجرف لا اخذ شصه وراح ومعلكـ بنص الماي خــــــــــلاني
جنت أني الكليط وكلها مني أتهاب وتتراجف بصوتي كلوب عدواني
حيهم لوسمعت الحرة صاحت صوت عــد عيناج اصيحن جوج شباني
أني وإياهم اركض والطويلة أثور وامشجل اشجال مصرفن أرداني
وك أني العراق الشرف التأريخ مو تاريخي شرفني الشرف أني
أمس أنت السجين واني اخلص بيك وهسى علية صاير أنت ســجاني
مثل يوسف صرت وبجب الأمريكان شالوني بحق شمروني خـــــواني
صح يعقوب ماعاقبكم عالصــار وصح دم الجذب لطختوا قمصاني
بس أبقى العراق وما اطخلك رأس وأبقى أني العراق وهـــذا عنواني
وك خيري عماك وما يغزر بيك ترد بالموت ليه بفاضل أحســــــاني
أنحر بيه حيل شما تريد أنحر نحرو بيه كبلك جمع طغـــــــــــياني
كلها سيوفها تثلمت طاح السيف صح سالت دمائي وسال شرياني
بس تعرف النبتة تموت لو ما الماي ودمائي الماي صار وهو أحياني
مو جنتوا كبل تستعطي بيدك جاي ومن كثر العطه كســـرتوا بيبــــــاني
واني بكل رحابت صدر ياحياك وانطيك الـــــعطة من زاد رضعـــــاني
أني الكرم كله ويشهد التأريخ ماتبرد كهوتي وحـــــــــار فنجاني
أني العلمت كل الأرض تكتب واني الثائر ويشهد لي شـــــــعلاني
وك أني الغيور لحررت كل الكاع توديلي يحرر كــــــــــــاعي الأفغاني
جر أيدك دبسك لا اكصها الأيد مو غيظي طفح وانفجر بركــــــــاني
شباني زلم مابيهم التقصير ظهر بظهر واحد يلزم الثــــــــــــاني
أنت بموكب الشيطان صاعد بي وظل بيه بحقد يذبحني شيطــــــــــاني
أنت بموكب الطغيان قائد بي يل نهجك يزيد ونهج سفيـــــــــــــاني
أني بموكب أهل البيت مبحر بي أمان مالغرك مو طه سفـــــــــــــــــاني
سكتوا الدعاء وصوت ياالـــله وصوت القصف لازم صوت اذانــــــي
ذبحتوا الله اكبر صوت الاذان وفجرتوا بحقد صـــــــفحات قـــــــــــراني
نساكم بالملاهي معاشرة الشيطان واني أم الخــــــــــدر تتسمه نســـــــــواني
وشـــــبابك تدرس وتتونس الشـبان وانـــــي مسبحين بدمي شبـــــــــــاني
وحدايقكم ورود وعودت الريحان واني العبوة شـــالت غصن ريحــــــــاني
تأكل بالترافه بسلة الرمـــــان واني ينفجر صايرلي رمــــــــــــــــــاني
بس أبقة العراق لصاح بيه حسين كلا للمذلة بوجه طغــــــــــــــيـــــــــــاني
تجيني مدنك وحافي وتطخ الرأس لان وادي المقدس ربي سمــــــــــــــاني

الشـــــــاعــــــر

عبــــــــــاس الفتــــلاوي

مما راق لى جدا جدا جدا