ارخص بضاعه
الكمر
بكل برائه
يلعب ابماي النهر
مدري يمه مفخخه مدري صاروخ انفجر
مدري ايد من الخيانه ذبحته من الظهر
مدري زرقاوي انتحر
( الجزبره ) ذاعته( عاجل) خبر
وشاع ما بين الطوايف مات بالديره الكمر
وصارت الدنيا ظلام
وليل اسود
والغيوم اتراكمن غيمه علغيمه
وزخن انواع المطر
واحنه ظلينه ابسفينه تايهه ابنص البحر
لانجم نهتدي بيه الكاع ما الها اثر
لاجبل ينشاف منها مات بالظلمه الشجر
والامواج اتلاطمن موجه علموجه
والعواصف كامت اتهز الصخر
وصار صايح بالسفينه
الحذر اخذوا الحذر
السفينه راح تغرك
ذبوا من حمل السفينه
كبل لاايحل الخطر
كام تاجر بالسياسه وصاح ذبوا من البشر
صاح ثاني: اي نعم
( ارخص بضاعه )
ابسفينتنا البشر
(ارخص بضاعه )
ابسفينتنا البشر
رد مع اقتباس