امي بدونهه كلشي ماسوه .......!

[الشاعر ماجد الدعمي]

لان جفج شمس
وملاويه الليل
وخيمه انتي وتلمنه ازغار
واكبار
ولان صوتج امان
وشمعه بالبيت
والباري شكثر حط بيج
اسرار
يالدمعه الرخيصه ومسكنهه
الخدود
يابيت الحنان ومنبع الطيب
المحنه اباب حظنج
كلهه تندار
يايمه شكثر وبكلبي جلمات
اليكسب رضا عيونج
مايطب نار
ويا امي الجنان تبوس رجليج
مثل حبج ابد ميصير
لاصار
يل عطرج مسج ويطيب الاه
من عندج تعلمنه
انصير احرار
يم البيت انتي وشمعة البيت
وبدونج اظلم اتسكنه
الخفافيش
طيور احنه و لحضنج لازم نعود
واذا سامح الله بيوم تمشين
لوين نعود وما مش بالجنح ريش !
يل كلج وفه وبيج احنه اعزاز
بجالج ييمه وخيرج نعيش !
صح اكبار صرنه
وبالشعر شيب
وشوك انه لحضنج مثل الاطفال
يمه البيت موحوش من تغيبين
وتمر بينه الدقايق ثكل الجبال
********
ولان جفج شمس وملاويه الليل
وخيمه انتي وتلمنه
اازغار واكبار

ماجد الشاعر
13 / ايار / 2009