النتائج 1 إلى 8 من 15

الموضوع: انه بصوب ... وانت بصوب

مشاهدة المواضيع

  1. 27-04-2009 #1
    الشاعر ماجد الدعمي
    الشاعر ماجد الدعمي غير متواجد حالياً
    فراتي ذهبي الشاعر ماجد الدعمي is on a distinguished road الصورة الرمزية الشاعر ماجد الدعمي
    تاريخ التسجيل
    Aug 2008
    الدولة
    كربلاء الحسين
    المشاركات
    1,876

    افتراضي انه بصوب ... وانت بصوب

    انه بصوب ... وانت بصوب
    ومثل شمع النذور
    نذوب ..!
    وتموت بصدري الحجايات
    وبقالي من الصبر
    بس ثوب !!
    واني بصوب وضنوني تسافر ليك
    واكول من المحبه نتوب
    وابد ما توب
    واقره بحظي شمكتوب ؟؟
    واني البل صبر ( ايوب )
    وانت بصوب ...
    شيجيبك يالبعيد انوب !
    شيجيبك والعمر ظل بيه
    بس غروب !
    شيردك والفرح بجفاك
    من عين الكلب مسلوب !
    واني بصوب .. وانت بصوب
    شما جيلك علّي تبعد
    وياكلبي لوين تريد
    ولك متعود يمته اتوب ؟
    مو بينه الزمان اندار
    وكبالي العشك مصلوب
    مو غابت شمس ملكاك
    ولفراكك علنهه الطوب
    واني بصوب
    وعيوني لهذاك الصوب
    واذا ميت وصيتي الكم
    ادفنوني بهذاك الصوب
    *****

    ماجد الشاعر
    27 نيسان 2009
    التعديل الأخير تم بواسطة الشاعر ماجد الدعمي ; 27-04-2009 الساعة 10:53 AM
    رد مع اقتباس رد مع اقتباس
« المراجيح00التي علقتنا | ســــــــــــــــوالف ليل ..............!!!! »

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

     

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك

قوانين المنتدى