طمني عليك ؟؟؟؟؟؟؟؟؟؟
ويل خذت وياك كلشي
مره طمني عليك !
ومره وحده اشتاقلي
ولاتبيع المشتريك !
اني ...
مدري شنو شصاير اني
حيل وكعني الظمه وماي
اشتهيك ؟
ووينك انت ..؟
وكون اشوفك ؟
وكون طيره اصير روحي
وتعتنيك ..
وكون اذب تعبي بجفوفك
وكون اغفه ابين ايديك !
وكون الم جروح روحي
وتلتم ابابك تكلك
مشتهيك !
واني كلبك زين اعرفه
ابيض ومابيه سواد
والي كلبه هيجي ابيض
مايبيع الاشتراه !!
واه ... يكلبي وين ماخذته الدروب
بكل طريق يعوف دمعه
والكلوب بدرب الموادع
حكهه لو رادت تذوب !
واني منك ما أتوب
ولا اديرن وجهي عنك !
حتى لو كلمن بصوب !
واني اوصيك بدموعي
عفيه طمني عليك !
ولاتكول احاه وما اسمع نداك
اني وعيوني وحياتي
كلنه يالطيب فداك !
ومن امر مره اعله بالك
ارجوك طمني عليك !
تدري روحي ابين ايديك
وتدري اسمك صار سالوفه بحياتي
وكل دروب الشوك دمعه من اجيك !
عود طمني عليك !!
ماجد الشاعر
7 / 4 / 2009
رد مع اقتباس