لا تأمن للوكت ماينحزر !!!!؟؟؟؟؟؟

[الشاعر ماجد الدعمي]

كلشي بحياتي شفت
وعلمني ياما الوكت !
وكلي اليريدك يجي
بس اني ما انحزر !
يفتر يدور الوكت
وادوّر اعله المشه
مو مشكله مايجي
وكلبك عليه ينفطر !!
واعدني مره بدرب
وكلي وسمعت الحجي
صبح علي الصبح
اول ماتحن وتجي
وهذا انه اتعودت
باقة ورد كل صبح
لعيودنك ادزهه الصبح
ومرن علي جم صبح
والله ماجن صبح
وليل انه احسه الصبح
وهم شايف بدنيتك
اظلم يصير الصبح
واحاه ياهل صبح
شنو ؟ معقوله هيج الوكت
ينسينه كلمن مشه
وواعدني بعد شكثر
وكلي كلام شكثر
وعلمني شوك شكثر
لكن ارد للوكت
وصدكته ما ينحزر
بدرب الوكت ضيعت
واشكد كبل راحو !
وكلت انت يمكن فرق
عكس الذي راحوا !
ورسمت صورة امل
وتكحل احله عيون
بين الصدك والجذب
شو صدكوا ميجون !
معقوله هذا الوكت
كلش ولا ينحزر
ومعقوله
ومعقوله
معقوله ...
كل الحجي يصبح رماد الصبح
وما اطير توني اعرفت
حسيت انه بلاجنح !!
جا وينه ذاك الجنح ؟؟
تبين هذاك حلم
وجذاب ما بيه جنح ّ
وهسه اني توني اعرفت
ياوكت ماتنحزر !
وماراح اصيرن ثلج
واتحذر من الشمس
راح اني اصيرن حجر
اسحكني مانهظم !
ارميني مانكسر !
يفيد بي الطرق
وميفيد بي الهمس
ميفيد بي الهمس
***

تحيات ماجد الشاعر لكل احبتي في الفرات
ولكم مني كل والود والتحيه ...
6 / 4 / 2009