من كد ما احبك ما اسولف بيك
ما ترهم ابنادم يحجي عن روحه

ومن كد ما حلو وطعمك احسن بيه
اضوكن بالملح ما اهيس ملوحه

تجرحني بكلامك ادري بس ارتاح
يا مجروح مثلي يبوس بجروحه

كبل لا جنت احبك دمعي ما ينشاف
هسه من الفراكـ دموعي مفضوحه

اموت من اليجيسك لو شقه يشاقيك
وطولك بس الي والغير ميلوحه

اغار ومو بديه من اهلك من الناس
عليه وبس الي النظرات مسموحه

تمر هموم بيه واختنك مرات
بس بشبكه منك كلها ممسوحه