قصيده للشاعر الكبير المرحم كامل سعود الحسناوي

[الشاعر ماجد الدعمي]

يسعدني ان اقدم لكم احدى روائع خالد الذكر الشاعر المرحوم كامل اسعود الحسناوي اتمنى ان تنال اعجبابكم

غلطـــــــــــه
نحير ابياصفه انوصفك
غرامك سلطته سلطه
توهدنت وبلشت شلون
بيك اتورطت ورطه
****
ابدليلي اشمتت يهواي
جيف بحبك اتورط
جميع اهل الهوه اتهابك
لحبك محد اتكلط
لبحر هواك عمياوي
جتت وبلجته اتلطلط
اصيح الموج اخذني الموج
كل موجه بالف غطه
****
شطيت الكلب شطين
والشط عبر اعله الشط
ينزفن وانه اصيح الداد
وغراب الهجر ينغط
عله رسله اليناشدني
اكومن بسمك اتغلط
ولو سر الهوه شايع
هاي من المحب غلطه
****
هاي من المحب غلطه
واريدك تسمح الغلطات
صحايف ذكريات اهواك
اصفطهن كمت صفطات
اذكرك وكت المنازع
واذكرك بالثلث حطات
الج بسمك واطالب بيه
ولو دون الكبر حطـه

رحم الله شاعرنا ابو سالم واسكنه فسيح جناته .
حيث قال فيه احد النقاد شاعر تجاهلهه الاعلام فاصبح مدرسة شعريه لوحده ..