رضاء الله امي مرضاها
اهي شمعه ولي ربي مرضاها
غيابي اسنين عنه مرضاها
تكابل صورتي وتنحب عليه

اعيوني جلن من الدمع وصفن
عليك وكمت احسب بيك وصفن
الك بالريم يامحبوب وصفن
جيد وعين هل عمن عليه

ماتدري اشجره عليه وجاني
عليك المع هل جرح وجاني
وراسك لاذنب مبدي وجاني
اعذرك يل كطعت الوصل بيه

حبيبي اقبل ارشادي وانته صاحي
جذب الشاف شخصك وانته صاحي
وحك سكرة اعيونك وانته صاحي
رضابك سلسبيل وعذب ميه

من مثلي صبر عالجرح ماصاح
عجز منه طبيب الشام ماصاح
مثل ولفي ردت بالحور ماصاح
البدر من نور خده اختطف ضيه

من الياقوت ياصاحب لها شاف
وبعد روحي بمودتهم لهاشاف
لون الامني مره لها شاف
جاه صفك بيده وبجه رحمه عليه