وأحد صعد تكسي كال للسايق :نادي ألشباب من فضلك ألسايق كله متناديهم أنتة أشتغل يم ألخلفوك أني..

ألصوماليين رجعوا شاحنات ألمساعدات مال أدوية للكويت ..كالوا شنسوي بيها أشو كلها ورة ألاكل..

سأل أستاذ أللغة ألعربية طالبا: أعرب جملة ( فشل ألولد في مصارحة ألفتاة) فأجاب: فشل فعل ماضي مبني على عدم ألخبرة , ألولد فاعل مرفوض لامحل له في قلب ألفتاة , ألفتاة مجرم به وعلامة جريمتها رفض ألولد..

محشش كتب تهديد ألجيرانه كتب خلال 24 ساعه أذا متشيلون أني أشيل..

وأحد بالليل سمع صاحو بالسماعه ديرو بالكم تره ألمي متسمم جان يكعد مرته كلتله شكو؟ كلها ماكو شي شربي مي وأرجعي نامي..

زوجه كالت ألزوجها أريد أتكلي شي حلو كاللها بقلاوة كالتله لا أريد شي يهزني كاللها مرجوحه كالتله أريد شي يحسسني بالامان كاللها ألحرس ألوطني كالتله أريد شي يحسسني أني زوجتك كاللها أنتي طالق..


معلم يدرس أكراد... يكتب وهمه يكتبون وراه... مسح ألسبورة، گاموا كلهم مسحوا ألدفاتر..


قزم شارك أبرنامج من سيربح ألمليون قبل ميصعد على ألكرسي طلب مساعده ألجمهور..