ما عندي أسرار هذي كل الأوراق
خذ ماتبي وأحرق الباقي ومعذور
******

ماهو بوقت العتب معاد عشااااق
العين قالت لي.. زور في زور
******

إيه أضحك وأبادل الأشواق بأشواق
مابي يجي منك رجع الصوت مبتور
******

ماجيت أبي منك زود إنصات وإطراق
قلبي من الصمت والحرمان مقهور
******

قل ماتبي حب والأعطف وإشفاق
ان زانت لي زنت وإما زنت مشكوور
******

ترى العبث بالمشاعر يحرق إحراق
مانتب على اللعب بالنيران مجبور
******

همستك ما تستقر الأ بالاعمااااق
وان زار بالحلم طيفك قمت مذعور
******

أخافك إتشوف نقطة ضعف مشتااااق
وتعيش .. لحظة جنون النصر مغرور
******

كم مرةٍ من غموضك خاطري ضاااق
كم مرة أرفع عصا العصيااان وأثور
******

كم مرةٍ .. قلت هذي لحظة فراق
مير البلى القلب عيا يسمع الشور
******

وقعت أنا.. وأنت والغربان ميثاق
مسحور لحظة خضوع النار للنور