فضيحة مينسكت عليه

[احمد علي]

اشكر اخواتي العزيزات ملاك الرحمه وقرة العين على مشاعرهن الصادقه والنبيله مع المنتخب واقل لكم جميعا انا اسف على هذة الصور ولكن اخواني واخواتي الاعزاء يجب ان نظهر الحقيقه للعالم كله هذة الحاله سببها تقصير الاتحاد العراقي بقيادة حسين سعيد للاسف الاتحاد جالس في عمان او بالاحرى مقيم في عمان ولا يهمه مايجري للمنتخب
يعني اخواني حتى انتوا كلتوها هاي وين صايرة وبيا منتخب ليش هذا السكوت ليش لاعبينا لايتم الحجز لهم في طائرات ومن الدرجه الممتازة لماذا لايكون هناك مسؤولين كد المسؤوليه ليتجاوز مطبات الاترانزيت من خلال الحجز المبكر والدرجه الممتازة ليش لواعيبنا ما يستاهلون
اخواني وخواتي تعرفون اشكد ضلوا لاعبينا الابطال بالمطار هشكل نايمين 20 ساعه لا والمضحك بعضهم سافر لكوريا الشماليه بالقطار لان مخلوهم يصعدون الطائرة كلهم شايفين هيج مهزله وثاني يوم الصبح الساعه العاشرة عدهم لعبه ويه كوريا وها للعلم كوريا دخلت لاعبين اثنين فوق السن القانوني واحد حارس مرمى والثاني مهاجم ولكن ابطالنا في ارض كوريا واستطاعو التعادل رغم ما صار بيهم
طبعا العراق اعترض امام الاتحاد الاسيوي والدولي والى الان بدون نتيجه ما اعرف الشيخ همام رئيس الاتحاد الاسيوي ينغاض من يسمع اسم العراق شنو شوكه بعينه ما اعرف شنو هل حقد
بس اكول الله ينصرنه على كل ظالم