ادرج لكم ادنا ثمانيه وعشرون بيت من الدارمي حسب الحروف الابجديه ـ ارجو المشاركه بالرد على كل بيت من الدارمي ايضا حسب حرف البدايه ـ مثلا

حرف الاليف ـ انهض وارد للكاع واتحه بثنين
صوبني وسط احشاي من طكني البين
الجواب ايضا يبداء بحرف الاليف ـ
انهض وما بياش وكفه اعله حيلي
ايد ارتجي اعله الكاع وايد الليلي
ليس بالشرط ان تكون الكلمه متشلبه بالرد فقط الحرف الاول من ردكم يشبه الحرف الاول من البت المذكور ولكم الشكر
يا الله ابلش
اـ اشكثر ناس اتروح وترد عليه
بس من اشوف هواي ارجف اشبيه
ب ـ ـ بالطيف اشوف اهواي هم هذا كافي
تنكط عسل ياناس شفته اعله اشقافي
ت ـ ـ تدري اشكثر بالشوك مبتليه وادم
تنحب تون وتجور بس طوله سالم
ثاء ـ ـ ثلثين الك بالكلب وبثلثي الك ثلثين
وثلثين الك بالثلث هيج التوده العين
ج ـ ـجرح الكلب لوسال يالتهوه
لو ردته يبره ابساع جرب حبيبه
ح ــ حطيتك بتابوت فوكف متر صب
الواشي مدري عليك من يا درب طب



خ ـ ـ خيطوا البشت لهواي بابره رفيعه
مدري يعرس بيه مدري يبيعه
دـ ـ دفتر شعر سويت من جور الايام
احروفه ضيم الروح جلماته الالام
ذ ـ ـ ذب شصك وبعدين تصفى القضيه
لو سجن 7 سنين لو تطي ديه
ر ـ رحت انه للدكتور شاورني بسكوت
لو ولفك يحاجيك لو باجر اتموت
ز ـ زين ابخت وياك واصل لهل الحد
احفر كبر للمات كالــــــــــو كعد
س ـ سلاني سل فركاك سواني شعره
وانطبك ست طبكات واطرك بالابره
ش ـ شحجي وتريد الناس من عندي لحجي
دمعتي ابطرف العين بس احجي ابجي
ص ـ صايرطبع بهواي من اكعد يكوم
اسود كلب وياي ابض اهدوم
ض ـ ضميتك ابكلب وكتلك امـــــــــــــــــــر
ترجع بعد ليش تسمع حجي القشامـــــر
ط طيفك نبض بالعين كل ليله ضيفي
بعيونك الحلوات هم يمر طيفي
ظ ـ ظلمه وتدور اعليك روحي شجاها
متولعه بيك اسنين خله ابهواها
وللباقي بقيه
غدا ان شاء الله نكمل بقية الحروف ـمع اعتزازي الى كل من كتب من هذه الابيات