قناطير الذهب

[القناصة]

ياهجوس الشعر هاتـي وقفتـه والحانـه

ودي اجاريـه فـي محرافـه بمحرافـي

قلبـي اوراق المحبـه والقلـم شريانـه

واكتب بدم الوريد القـاف تلـو القافـي

ياقناطير الذهـب يـا الـدر يامرجانـه

منزلك فـي عالـي القمـه وفالمشرافـي

ياحروف الشوق ياعطر الشعر واشجانه

جفن عيني لك مخده والرمـوش لحافـي

اطلب الغالي وترخـص قيمتـه واثمانـه

لو طلبت اطا الجمر والله لاطـا حافـي

والله اني حصن لك دون الردي واعوانه

والوفـا والعهـد منـا للعزيـز الوافـي

لاتشيل الهم وحمـول الدهـر واحزانـه

خلها لي وانت جوك دوم خلـه صافـي

وزن قدرك في فؤادي راجـح ٍ ميزانـه

مادخل في حسبة الاربـاع والانصافـي

عيني لشوفك يبو رمش وهـدب شفقانـه

ماتهنى ليـن اشوفـك يـادواي الشافـي

انت نور الدار من نورك تشـع اركانـه

وفي غيابك نوره اللي في حضورك طافي