السلام عليكم شلونكم

اليوم شي غير شكل ارجو ان يعجبكم



(العدالة )

ياعادل الميزان بالجفك اعـــدل
يوم القيامة ايصير ميزانك اثكل


(القناعة )

دوم ارضه بالموجود وعيش ابقناعه
وبكلبك الايمان اكبر بضاعـــــــــه


(التواضع)

بالدنيا كل مخلوك للباري خاضع
المتواضع امن الناس يبكه اسمه لامع
واحلى الثياب اليوم ثوب التواضع


( الاحترام )

من تحترم ياخوي تحترمك الناس
والعندة هيج اطباع ينحط على الراس



( التسامح )


بادر ابفعل الخير وكل عمل صالح
لاتظن يحمل غيض كلب المسامح


( الوفاء )

لوما الوفه موجود كلشي ايتهدم
الما يوفي شلك بيه والباري اظلم


( التساهل )

اتساهل اوي الناس تكسب رضاها
وخل الامور تصير سهله ابضواها


( الاتزان )

تدري الحجي الموزون بيه اتزانك
وكالوها بالامثال السانك حصانك
لو صنته صانك دوم ولهنته هانك


( المحبة )

للحب معاني هواي وشروطة صعبة
حتى الحياة اتموت لوما المحبة
بيه يكبر الانسان ويصفي كلبه


تحياتـــــــــــــــــــــــــــــــــــــــــــــ ــــــــــــــي الى جميع من يقراء