االاسلام والطائفيه
مدري امنين اجونه وفركو هلدين
ياهو الجان يعرف طائفة جاره
عشنه اخوان والله وايد تشبك ايد
ولو يوكع طفل تحزنله الحاره
ولو يوكع عمر يركض حسين وياه
ونلتم بالعصر ونروحله لداره
ولو يعثر علي يركض عليه عثمان
يكله اسم الله خويه وينكث اغباره
ولو واحد تمرض بينه ذاك اليوم
نطضي الليل يمه وكلنه سهاره
ماضنينه مره بهل الوكت يندار
وتجينه وجوه صفره وكلهه غداره
مابيهم رحم غايتهم يدمرون بيتي
الي بنيته احجاره بحجاره
مابيهم رحم غايتهم يفرقون
بين الاخ واخوه وصاحبه وجاره
غايتهم طوايف رادو ايسوون
واخوي البلرمادي ينسه العماره
ويحرمونه زيارة جدنه داح الباب
ابو الحسنين ذاك البلنجف داره
زرعو بالدرب عبوات سيارات
فجروهه علينه ورحنه زواره
الشاعر
صالح قاسم
رد مع اقتباس