السلام عليكم ورحمة الله وبركاته

انا حبيت احط الموضوع هادا ما بعرف اذا بعده بتبقوني بالمنتدى او ما هيجبكم وتطردوني ..

انا اول ما شفت المنتدى وعرفت انو عراقي كتير حبيت اشترك فيه وحبيتو كتير
وحبيت كل اللي فيه والمواضيع اللي فيه ..

وموضوع صدام ما كنت كتير مهتمة لالو ولا الي دخل فيه لانو الكل عارف معاناه الشعب العراقي وعارف شو صدام سوى وشو عمل وعارف كيف وضع العراق هلأ وكيف كان زمان ...
يعني عن جد كلنا بنأسف للوضع اللي وصل الو العراق هلأ وبنقول ربنا يجازي الله كان السبب
بس اكيد الشعب العراقي بضل عربي مهما صار وحصل ..
واكيد امريكا ما بتأثر في الشعب العراقي مهما كان ..

انا حاطة الموضوع لانو شفت كتير اعضاء بالمنتدى انطردو بسبب ترحمهم على صدام والكلام هادا اللي بصير ..

بس اكيد مش الكل عراقين وكل واحد الو رأيو وطبعا بنحترم شعوركم ..

بس انا حبيت اقول انو انا كتير زعلت على الكلام اللي كنتو تقولو انو نحرر بلدنا من اليهود والكلام هادا..

طبعا ما راح ارد متل الباقين واقول شي .. لانو كمن الكلام اللي كان ينقال كبير وما بيتحملو حد .

بس انا حبيت اقول احنا كلنا مسلمين وعرب وعيب المشاحنات هادي تصير بينا وبمنتدى متل هادا

ياريت تكون روح الاخوة والحب بينا ..

صدام مات خلص وكل شي مات معاه ..
هلأ بقي العراقين يشوفو حالهم ويحاولو يرجعو بلدهم متل اول ويبعدو عنها شر الامريكان
وبلاش باقي الاخوة العرب يحكو كلام ما الو داعي لانو لازم نحترم شعور غيرنا كمان ..

انا ما بعرف ليش كتبت الموضوع بس حبيت اكتبه لحتى ما يصير كل يوم متل اللي بشوفو وبقرأه كل يوم والله كتير بحزن على الحال اللي وصل له العرب هيك ..

وربنا يهدي الجميع يارب

تحياتي