امـــــــــــــــــــــــــــــــــــــــــــــي.. .الشيخ ابوحيدر
امي شــﮕـــد حنينه بكبر الاحزان
تلـــــــــــم همومنه بلفــت عبايتها
ويأمي شـﮕـد عفيفه وتستحي حيل
تظم عـــوز الوكـت بطراف شيلتها
أمي بنص حـﭽـيها جبـــــال الهموم
ولا يـوم شتكـت بس تجري دمعتها
وبحــجت تلـــــولي تفـــرغ الهموم
وتشكـــي بالنعاوي همــوم عازتها
وذا مـــــراني ظيــم وسمعته شلون
تنشغ والدمع يترس مخـــــــــدتهـا
ولامره شتكت لوﮔـــــــــــالت احـاه
تظــــــم همـومها وتشهـد وسادتها
رغيف اصير امي بساعــــــة العوز
وتشبعنا وتظم بظحكـــــــه جوعتها
تنـﮕـط مستحه مــــــن دﮔــت الباب
لــــوخطاراجـــــــاها معزبه عادتها
شكثر لفــــــت العـــوز ونامت وياه
ولامـــــره شتكـــــت للناس عازتها
امي شــﮕـــــد فطيره بعازت فراش
وتطـــي للفقير اليجـــــــــــي مدتها
ماعـــــــدها ملابس صارن سمال
وتتشيم اذا خطارمــــر يوم بثنيتها
ام اهــــلاً وسهـــــلاً بــــت الاجواد
صدك جنت عــــدن بسمال فرشتها
ياهي التلحـﮕ امـــــي منل نساوين
أذا ببن الزنه غـــــــــزرت ملحتها
راد يحوف بيت امـــــــي فرد يـوم
نزلت دمعتـــــــــــه تذكر شهامتها
بقلمي الشيخ ابوحيدر الشويلي
رد مع اقتباس