ابفركَاك أكل الحطب
تـاكلـني نـيرانـي
مره انطفي ومره اوّج
والـجيتك امتـانـي
مشبوحـه ومـعلّكَه
عيـني إعـله بيبانـي
لاخـبر منّك لـفه
لاطـارش الـجانـي
مليان كَلبي بـچي
وبعيونـي كومه حچي
عندك أريـدأشتكي
وما طـاوع السانـي
دنشد عله حالتـي
وشـغيـّر ألـوانـي
باليل أفـرش هظم
وتـغطه باحـزانـي
أمتلك بس النفس
أذيـتــه وذّانـي
اهدوم العلَي مو إلي
وبكَصتـي نيشانـي
بيتي صريفة كَصب
مايـخفه عنـوانـي
متروسه ومسچچه
قاصـات وليـانـي
حيطانهم من ذهب
ومن طين حيطانـي...