يا حبــيبـي..........وما رجعنه.
تزعل وتشكي السماهه..والمطر يعلن صلح
ونت تدري الليل يزعل ..من يشگ زيجه الصبح
والصبح يعني القضيه ..
والقضيه تريد حب ..
حب مثل قرص الرغيف فاهي لومابي ملح
گلب اعيوني اشكثر تعرف سهرهه..
وتعرف شهلت دمع عالمايمرهه..
وتتستحي من اتشوفها اعيون الشماته
وتضحك وبيها الدمع وصله شكبرهه
الروح ترفه..توافي لليفهم هواها
ويعتلگ شمعه عمرهه
تفوت بدروب المحبه وتنجرح
تدري حتى الحب اذا مابي جرح..مابي ربح
الليـل كاتلته بسهرهه..
وتدري ليلي شكد وكح
لن طبع روحي حمامه..
شما تعت الريح بيها
چـتافها يخضر جنح
ياحبيبي وهاي دنيه ..ومومهم ..بيهه الخسارة ولامهم بيهه الربح
والربح يعني المحبه ..بگلب ابيض وكت الموادع سمح
والله لوتدري الليالي اشكد كتلني الشوگ بيها
اشكد بجيت
اشكد حجيت ..وما شكيت من الجرح.
عدي فريد
رد مع اقتباس