ليلة وبعد ..........يحيى الحميداوي

[يحيى الحميداوي]

ليلة وبعد ....
خلنه بس الليلة نكعد...
خلي أشم عطر الزلوف وخلني
بين أرموشك ألبد
خلي أتيه بسحر عينك
يلي لون أعيونك أيشد....
ياسواد أعيونك أيه.....
نهر بيه الشوك ويهد
انته من ياطين طينك
فكري بيك أيروح ويرد
خلنه بس أليلة نكعد......
خلي أسولفلك عذابي ولهفتي
ورجواي والود
وخلي أسولفلك عليه
أشلون بيه أجروح من فركاك ترعد
يلي بيه أتعيش كلي ....
وبيك كلي أمسودن
ومحتار وبممشاي أربد
جلمة منك....يعني دنيه
ونغم صوتك....
يعني كل ذبلان بسنيني يورد
وتحترك روحي بغيابك
والفرح من عندي يشرد
خلنه بس الليلة نكعد .....
وباجر أدري بروحي
تخلص ......والحزن كاتبلي موعد
لكن أشتاكيت أشمك.....
وأسهر ألليلة وعلى أرموشك أغرد
خلنة بس الليلة بس الليلة
يامحبوبي نكعد .........

بقلمي الشاعر
يحيى الحميداوي
14-3-2011