الـــــــــــــــــــــــ ــــيك

[عادل المنصوري]

يلي مديت الحبل مو صوچ بيك

آنه چفي البي كَصِر

صح بصيرة العين وتشوفه قريب

لچن شما انخى عزمي

يخونه ضهري المنكسر

جيت امشي بچول واترجى السراب

وجر اجر الحيل

واتوچه الصبر

سنين عمري المرعدتني

ونشفت بعودي وجفتني

والهضم ثنى اعله ركبه ونص يفتني

وعوزي شد بمهرته

وجاني يكر

صرت دله وكَهوتي بجوفي تفور

وكَاعده بنص الجمر

ولك شنهي الترتجي

وإلمن تصيح

والتحشم بي مفلسلك عذر

اي يكَلبي

مسامره الحسرات طشار الدموع

ونامت الجمره بكَطفها البي تجر

جيت امشي

بسچة العمر الطويل

وتيهت حتى المحطة البيها امر

وتيهت حتى المحطة البيها امر