حيره
*****************************
يادنيه أحوالج حيرتني
متكًلب وياج بروحي
بالاول ميلتي شويه
وصرتيلي التالي من اجروحي
من شفتج آنه ومن صغري
كَلت بيوم ويبطل نوحي
لكن ماصار الي ابالي
كثرتيلي همومي وغمي
وتعبتيني وأنتي بحيلج
وشرياني الي يمشي بدمي
مو دم اليمشي بشرياني
ارضه بكلشي واقبل عمي
تمشين وياي بمكًلوبي
لكن لحضه وبيه اهتمي
هم سويهه وبيه اهتمي
أدري بيج متعبه الوادم
وآنه وي الوادم تعبان
وادري الي رادج متونس
ولما رادج ظل حزنان
لكن ماتسوين احجيلج
لو آنه أعتبرج شي كان
اتصيرين ويلي يضحكج
وآنه مدنكَ بس خجلان
يم بيتج مادكه البابج
وما اوصل حتى الحيطان
خل يوصلولج كلماتي
وما ريد اتردين الآن
أتظلين انتي وي اصحابج
وآنه عيوني إعله ألديان
ويغنون بنص قاعاتج
وآنه أقراء بصوتي ألقرآن
إغنيهم انتي بأموالج
وقصور ودنك وحلان
ماريدج لااريد اموالج
خليني اسمع بس الآذان
_____________
رد مع اقتباس