عله الغيره شسولف شكتب اشعار
من ياباب اطبن ولله حيره
بالعباس حَلفت القلم گوم
أوجهك ياقلم بس لاتديره
صفن بيدي القلم شكتبلك اليوم
گلت عباس أكتب چلمه اخيره
عله الورقه القلم من كتب عباس
حته الورقه صارت عدهه غيره
نزف حبره القلم من ذكر راعي الزود
وبعده ما وفه لبن العشيره
يراد القلم عنده بحر وياه
ويخَلص الحبر بأول مسيره
لان فظل الفظل عدنه زرع عباس
شمانكتب تجف عدنه الخميره
لورايد أعد واحسب فضل عباس
والعباس ما أوصل لأخيره,