منتديات الفرات

اهل الحب يگولون الجنون فنون.... وانه الولهان وحنون العشگ فني
ما ابالغ لون گتلك تجنن قيس .... وكل ذاك الجنون اتعلمه مني
فشل قيس بغرامه وخابت ضنونه.... وانه بشوگي وغرامي حققت ضني
العشگ مو بالخدود وجرت الكحله ... ولا لمست چفوف ايلامسن ذني
ولا موعد تگوله وي محبوبك .... وتروح على الوعد ملهوف متعني
العشگ طيب و وفه و عزه وابه واخلاص.... العشگ سنه وشرع للحگ يودني
وانه الحبيت اهل بيت النبي الهادي... ودنيا واخره بهالعشگ متهني
خل روحي بفرحهم تبگه ولهانه .... وخل گلبي اليتيم بنغمته يغني
مثل هاليوم بيه نولد محبوبي..... وبنات الشعر بالمولد يهنني
اجيت بشوگ گلبي والقافي خيول .... واشواگ الگلب صارن يهنني
لون تسال وگلتلي بيا وكت حبيت .... اگلك هالمحبه من زغر سني
واختمهه مثل مبديت اول بيت..... انه الولهان وجنون والعشگ فني

منتديات الفرات

منقول