كلبي اعليك ضل يشكي بهضم دمعة .... وعليك العين صارت بالدمع نجمـــة
فكر بية تعـــدا اسنينــي الاطـــوال .... وجرح بية نزف متكلي شِيلمــــــــة
اشكثر حبيتك وحبيتك اباخــــلاص .... تدري انت اليحب العاشك اشْهمـــة
يزرع عالشفـايف بسمـــة المعشـــوكـ .... مثل طفل ابمهد واعاين الأمـــــــــــه
تدري انت العشك ضيم والم وهموم .... بس يرسم خيال العاشك البسمــــة
للغالي ابحياته وغاليـــاتـــه عيــــون .... وعيونك دمع بعيوني واتضمـــة .؟
جم ليل الاجة ومــامر علية النــــوم .... سهران الكلب بعيونه وبدمـــــــــة
جم شريــــان خطن اسمــك بكل حين .... اسال كل جرح لو سال من اسمـــــة
تلكة حروف اسمك ورد بس ذبـــــلان .... لان يبس اعروكي وماعرف رحمـــــة
هجرت أبســـــاع ماحنيت للأيـــــام .... ولا بية كلت هالعـــاشك شْـــيَمــــة
ياماي الرسم لعيونـــي نهر دمــوع .... هاي دموعي فوك جروحـــي ملتمه
ولك هيهات لحظة اتغيب عني بيـوم .... يالخـــاين غرامك وانشـرب سمـــــة
طحت بيك انه حب وصارت بـــلا راي .... وحبي اعليك فاض من الورد شمــه
من غصبن علي حبيتك بكل شــــوكـ .... كلبي اوتار باسمك واسـمك النغمة
يـــالبيــة خنت رجــع الــك أيـــــام .... جم ليله كمرها انت وصرت ظلمة
يــا جنة حيــاتي الجـانت اعلى الذات .... كلبي النــــار بيــدك بالجمر طمة