انضح ياقلم بارض الطفوف وشوف ..... واكصد كربلـــة بلوحــاتك انـــت وروح


وضحها المعاني بشوك جفن الليل .... يــوم اعلى الكمر بجفـــوفة ضل يلوح


وين يروح ...؟ ارسم لليالي أنجوم .... وغيم من الحزن بالوجنة ضل مفضوح


اكتب يــا قلم خـــل تنزف الأوراق ..... واجعل بالدفاتر كل قصيدة اتنــــوح


وانزف بالحبر خل تنحب الأبيــــات .... بجيها القوافـــي بكل حرف مجـــروح


دكَـ صدرالقصيدة وازرع الإعجـــــاز .... وهدمها أبماسي العاليــاته اصـــروح


لاترسم نهر ارسم اركــــاب الجيش .... بجفوف الجفيل بدمها ضل مســفـوح


واذكرك ياقلم من كل جرح موجـود .... لليوم بوجودة اعلــى الثرة مطـروح


يعني اعلى الدمع لاتبخل انت أياك .... واجعل كل جفن بدموعه ضــل يفـوح


ولاتكتب ابد متلملمة اللوعـــــات .... ولا ترسم جســد ارســـم نحر مذبـوح


لجل حسين أبــو السجاد انزف دوم .... لان لحسين ضل الكـــون يبني جـروح


لا لتنوح .... انزف بالكلب شريــان .... وخلي كــل جســد لحسين ينزف روح
***************
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش