العراق بلد الحضارات
يالطريت روج سنين عمرك
وانته ابو الكلفات
يالعنيت رسنك واعبرت چم جيل
وانته الدوم
باول وآخر الهدات
يمشابچ بچف الوكت
چم چف انلوه وما طحت
لن شارب ضرع هور الجنوب
وثدي المحزمات
اكَعد ...
جرعباتك سمي بالرحمن
واتوضه اعله دهله
وصلي بالديوان
وكمل كَهوتك لاتهز بالفنجان
يعراكَـ الوفه
ويمتجي للتعبان
يالنهرك طفح غيره وسكَى الجيران
طفح بينه الهظم
غطانه حد الذان
شفنه من المصايب يابلد الوان
ياتنور طين .....
وياصريفه...
وخص..
يالخبزك تثرده لضيفك من النص
يا وكَاف بسماطك توزع الماي
چفك ما يشارك ضيف وتغصص
ولا ترفع طرف
من تعبر مكَبعات
تطركَـ ما تخز العين وتلصص
يالكَماطك حضارة ولفلفاك صغير
انته اول ترب آدم عليها يسير
ويلي عليك تچه
من انكَضى الطوفان
مركب نوح
وانته القاف للغركَان
ضَم تُربك علي
وبيك انحر الحسين
وموسى ويالجواد بضفتك ضافين
وبيك العسكري ويالهادي مدفونين
كل واحد يطر بكَاعك ايشان
يعراكَـ الحضارة وللعرب شريان
يعراكَـ الحضارة وللعرب شريان
رد مع اقتباس