ياالاهـي وسيدي ظـــاﮔ الزمــان
والـيحبك عايـش ظنوك الاجــــــل
تطي للمتعافي كلشي مدري ليـش
وانه اشكرك لــويصح خبز وفجـل
والـوكت اذه الفقيروذلـه حيــــــــل
شلــون تقــنعني الفقرماحسبـــه ذل
انه ضـﮕت الخجل من وحنه جهال
وهــومــد أيده واخــذ عاف الخجل
انه ﮔــالولي الفـــقر يعني العـفاف
وهــوكلش غــني بس ﮔـالوا نـــــذل
انه عندي الشرف بس ماعدي بيت
وهوصح النذال بس عنــده ﭭــــلل
ﮔلي ﭼـاوين العــداله بهــل قيـــاس
ولــيش مــيزان الشــرف ماينعــدل
انه ثمــلان بحــزن ليلي الـــطويل
وهـــو ليله يطيب وي دﮒ الطبل
صارعنــدي ايتام لــلذل عــجبــوه
صح يتــيم ودمـــع عـــينه مانــزل
ﮔـــاموا ايتامي يكـــــــفلون اليــتيم
بــس أبــد ﮔـــَدام شـامـت مــا تذل
زعــلوا الخوان مني بـــلايه صوﭺ
حسب خــاف احتاجه سوالــه زعل
ومـن رحـت ﮔتلـه اخـيك مره عوز
ﮔلي نكتب ورقه عــــــد كاتب عدل
هــوياكل مشتـــــــهــاته ومايـريـــد
والريــــوﮔ الـﮕيمر ويـــــاه العســــل
وانه بطني بحبل اشده خاف اجـوع
ولوكتلني الجوع اردن عـــــــل حبل
تعلــــمت ماصيرشتله بجـرف ماي
الماي من يفيض يخـــرب كـــل شتل
الخيط الابيض لايغـــشك وي ســواد
لان مـــــمكن خيط ويخرب غــــــزل
صح ابو الجــــنيب مشيه بيــــه عواج
لاكــــن أحذرعـــﮕرب و يمـشي عدل
لايغــرك مــلمس الناعـــم جـــــــــميل
وحــذر الحيه أذا يتبعــــــــــــــه صل
البيه عواج بساســــــه ماينعدل دوم
لوبقيت سنين تعــــــــــــــدل هم يظــل
بسجــل عمري قـــررت اكتب قـــرار
أي صديق أعــــوج امسحه منل سجل
بقلمي الشيخ ابوحيدر الشويلي
30|11|2010