محاورة شعرية
اجتمع كل من عادل المنصوري مع الشاعر راهب المنصوري في بيت اديب الشعراء الشاعر المرحوم سامي شياع المنصوري وتناولوا حديث الرسول الكريم محمد صلى الله عليه وآله وسلم ( لاتطلبوا المستحيل : قالوا وما المستحيل يارسول الله ، قال الراحة في الدنيا)
فقال عادل
مهجتي الهم تفته راحه بيها
وابد دنياي مالي راحه بيها
زهت للي طلبها راحه بيها
وجفت وي الجفاها وفزر فيه
اجاب راهب
الكَلب عالهم فطن تطحن رحابه
وكتي ما شفت قطاً رحابه
الهوى الدنيه لكَه بيها رحابه
ولون ضاكَت يصيح اهوى المنيه
قال عادل
ضاجت ما شفت بيها فراها
وهبش ياون بچبدي فراها
لون چف الوكت دفته فراها
علي ابجور اشلحفها الثنيه
اجاب راهب
تمنى آخر مطافك لاتمنها
ترى دنياك تغدر لاتمنها
عدا الهموم شنهي لاتمنها
اتخسه من كون تغويني الدنية
فعلقت ببيت ابوذية قائلاً
بيادر للقهر تطحن رحالاي
وابد ما شفت من وكتي رحالاي
حكَي لو اشد وانوي رحالاي
بكثر ما شفت جور بهالدنيه
رد مع اقتباس