بسم الله الرحمن الرحيم


http://www.foraten.net/]منتديات الفرات [/

المصريين علي موعد يوم الخامس والعشرون من يناير الحالي مع محاولة لفك الحصار المفروض عليهم من الساده العمالقه حكام البلاد وعلي رأسهم بكل طبع فخامة الرئيس حسني مبارك بين قوسين (( طويل العمر يطول عمره ويزهزه عصره وينصره علي من يعاديه هاي هئ ))
اخشي ان تتحول مصر الي فوضي عارمه لقطاع الطرق والبلطجيه في هذا التوقيت فهم لهم تفكير وباقي الشعب له تفكير اخر ولهذا قررت ان اتحدث الي نفسي لماذا المظاهرات احبائي بما ان غالبيه الشعب والله اعلم لا تريد حكم الرئيس حسني مبارك (( طويل العمر يطول عمره وينصره علي من يعاديه هاي هئ )) فنحن لدينا الفرصه هذا العام لكي نقول كلمتنا في انتخابات الرئاسه هذا العام ونقولها بكل صراحه وبكل جراءه لالالالالالالالالالالالالا واحد هنا ممكن يقولي انت فاكر ان اصوتنا دي فعلا ليها لزمة ياعم الصناديق مقفله والنتيجه معروفه يبقي مفيش امامنا غير القوه وقله الادب عشان نخلع الريس واعوانه انا في انتخابات مجلس الشعب اللي فاتت ذهبت الي اللجنه وانتخبت واحد مرشح تاني مش بتاع الحزب الوطني ولما خرجت من اللجنه قابلت واحد صحبي قالي انت انتخبت مين بتاع الحزب الوطني قولت له لا طبعا قالي الله يخرب بيتك ارجع بسرعه واترجي رئيس اللجنه عشان تعدلها وتكتب له نعم احسن هتروح في داهيه اقول ليك الصراحه انا اتخضيت ورجعت تاني لرئيس اللجنه ووطيت علي ايده وبوستها وقولتله انا غلطت يا فندم جيت اعلم علي مرشح الحزب الوطني علمت علي المعارضه والنبي عاوز اصلحها رد رئيس اللجنه عليا ومسك وداني وقالي يا وحش عموما احنا صلحنهالك ومعدتش تعمل كده تاني ....يبقي اصوات ايه يا عم ......
-----------------------------------------------------------------------------------------------
ويبقي في النهايه كلمه اقولها لشعب مصر حافظوا علي بلدنا فهي ملك لنا ونحن ملك لها اما حكامنا فالله سبحانه وتعالي ادري بكل شئ وهو القادر علي حسابهم وانا هنا لا اقصد اطلاقا التساهل بالعكس لو تماسكنا جميعا سننال حقوقنا المسلوبه وابسطها حق المواطن في ان يكون له كرامه داخل وطنه ومن يقول غير ذلك اهدي له هذا الرابط .
http://up.foraten.net/download.php?filename=fc378b4dc8.3gp
وشكرا