رداً على الخاطرة التي نقلتها ام علاوي

[عادل المنصوري]

بعد دقائق غلى الماء فأضفت اليه ملعقة من السكـــر

وملعقتين من البن
ثم تذوقت الطعــم
لكني أحسست بطعم مـــرّ
فاحترت هل أضيف المزيد من السكر أم ماذا

أيهما ألذ في هذه اللحظة

القهوة المــرّة أم الحلوة

فالبارحة أحببتها وهي مـــرّة
أما اليوم فيبدو أنني بحاجة للمزيد من السكـــر
أيهما ألذ في هذه اللحظة
القهوة المــرّة أم الحلوة

النقيضين


ابن سينا ايكَول ابد ما يجتمع


من يحل اسود الابيض يرتفع


وبس يشكَـ الليل ثوبه اللابسه


تطلع اخيوط الصبح منه وتشع


وآنه اسأل ليش كوبج يم علي


حلو مره ومره مر يلذع لذع


وليش ذانات البشر تسمع الزين


ولو طركَها الشين هم ليه تستمع


وليش كَلب ابنادم اتعاصف هواه


تسمعــــه بخيره وعلى الشر تتبع


وكَال ابـــــــن سينا ابد ما يجتمع


مايجتمع .. مايجتمع .. مايجتمع


خلي روحي اعلل ستر لبسة اشماغ


ما احب اهتك ستر بيه طبع


وما ابشرج لو غطى الذانات ضيم


كَلبي يتحمل كفخ ما ينصدع


وما اكولن آخ والطعنه بكفاي


واربط اصونده اعله بتي الينكَطع


كافي يالتاكل فطيس بلحم اخوك


عفيه معده الماتجل وتنشبع


ولوكَعد يمك يخرخر بالحنان


لفك بحبه مثل لف الشمع


موش حاضن خيطك ايحافظ عليه


يحركَك واطول وقت بي ينتفع


هسه هم كَلي بعد ما يجتمع


وليش كوب الكًهوه مر يلذع لذع


مررته اطباع وادم هالوكت


شاف تجالب على الماكو الربع


شاف تجالب على الماكو الربع