لا تگطع .. آخر عثگ!!
بـأوّل لقـــــاء الگلـب
بحروف إسمـك يِـدِگ
صورة بضميري انرسم
يا أحلى صورة عـشگ
خلاني أعيـش بحلـم
وبنار شوگي أحتـرگ
من ضگت شفتك عسل
ولصدري أضمَّك شبگ
من چنّا نگعـد سـوى
ونذوب حـلگ بحـلگ
ما چنت أصـدگ أبـد
وياك لحظـة افتـرگ
بس يا حـــسافة الزمـن
باعدنا غـرب وشـرگ
بين الزعــــــل والرضـا
كل چلمة تحچي الصدگ
ضاعت ليالـي العمـــر
وبسرعة مثـل البـرگ
يللـي ملكـت الگلـب
هونـك عليـه بـرفگ
خل حبنا يبقـى بأمـل
لا تگطع آخـر عـثگ
د.هاشم الفريجي
رد مع اقتباس